Mae Ymdeithio ar gyfer Alzheimer’s Society yn ffordd wych i gefnogi’r achos wrth herio’ch hun
Roedd Alex Roberts, ym Manceinion, wedi dotio’n llwyr gan yr awyrgylch a’r olygfa pan gyflawnodd hi Trek Up Snowdon haf y llynedd.
Darllenwch y stori hon yn Saesneg
Mae dementia cymysg ar fy mam ac mae gan Dad ddementia clefyd Parkinson, ac roedd gan chwaer Mam ddementia hefyd.
Rown ar wyliau blynyddol yn y gwanwyn ac yn meddwl yr hoffwn herio fy hun, ac Alzheimer’s Society yw’r elusen berffaith i’w chefnogi.
Rwyf wedi defnyddio llawer o adnoddau ar-lein y Gymdeithas. Rwyf eisiau gwybod bob amser oes ‘na fesurau pellach y gallaf yn eu rhoi yn eu lle i helpu, ac fe’u defnyddiais yn ddiweddar ynghylch a ddylwn ddweud wrth Mam bod ei chwaer wedi marw. Pan rwyf eisiau gwybodaeth, rwy’n troi at Alzheimer’s Society.
Roedd gwneud y daith gerdded gyda phobl yn yr un sefyllfa yn gymhelliant mawr. Roeddwn yng nghwmni’r sawl oedd bron yn ddieithriaid, ond â phrofiad ar y cyd. Ac rwyf wedi bod eisiau dringo’r Wyddfa erioed!
Syfrdanol
Synnais o weld cynifer o bobl oedd yn ei wneud. Cyrhaeddom Lanberis y diwrnod blaenorol ac roedd yn syfrdanol, un o’r lleoedd gorau i mi fod ynddo erioed.
Yn fy llety, clywais wraig ar y ffôn oedd yn gwneud y daith, felly roeddwn yn siarad ag eraill yn syth. Erbyn diwedd y daith mae gennych chi’r ffrindiau newydd hyn.
Dechreuom ni fesul ychydig o ran nifer oherwydd y pandemig, er mwyn osgoi bod gormod o bobl mewn grŵp, felly roedd y mynydd wedi ei orchuddio mewn crysau T Alzheimer’s Society!
Roedd dringwr profiadol yn ein harwain, ac roedd yna fannau serth ond yna’r golygfeydd godidog – roedd yn hollol wych.
Roedd yna awyrgylch arbennig o dda ac ymdeimlad o gyfeillgarwch.
Ar ôl y flwyddyn roeddem wedi ei chael, roedd cael y cyfle i fod allan yn unrhyw le, ond yn enwedig ar ochr mynydd, yn hollol anhygoel.
Codais £940 (roeddwn wedi disgwyl £300!) a buaswn yn annog eraill 100% i wneud ymdaith. Mae’n helpu i fynd a gwneud rhywbeth sydd yn teimlo’n wirioneddol fel petai’n helpu.
Heriau Ymdeithio
Dysgwch fwy am Trek Up Snowdon, Trek26 a llawer o rai eraill – gan gynnwys trefnu eich taith gerdded neu ymdaith eich hun (yn Saesneg).